Универзални принципи за здраво слабеење

Сте се обиделе со безброј диети и сте потрошиле премногу пари на фитнес центри, а сепак не гледате резултати? Многу е веројатно дека сте му пристапиле на слабеењето на погрешен начин. Овие 8 совети сигурно ќе ви помогнат да ја намалите телесната тежина и полесно да дојдете до поубаво и поздраво тело.

1. Калориите се важни

Целта мора да ви биде да изедете колку што можете, а сепак тоа да биде доволно малку за да овозможите согорување на масните наслаги. Овој совет ве збуни? Прочитајте повеќе. Доколку во просек, неделно симнувате по 0,5 до 1 кг, внесувајќи по 1400 калории дневно, тогаш сте на вистинскиот пат. Но, доколку сакате да го забрзате процесот, намалувајќи го внесот на калории на 1200, тогаш се саботирате себеси. Ако симнувате повеќе од 1 килограм неделно, тоа значи дека загубената тежина оди на сметка на мускулното ткиво, што ќе го направи вашето тело да изгледа поопуштено, т.е. помалку дефинирано. Најдобар пример за ова се луѓето кои се одлучуваат за драстични диети. Откако ќе ја достигнат посакуваната тежина, изгледаат исто како порано, само со многу помалку калории, а телото им изгледа далеку понедефинирано. Ова се случува зашто организмот започнува да согорува енергија од мускулите, наместо од мастите, доколку внесот на калории е премногу низок. Луѓето што ќе одлучат дека и покрај тоа што ја намалуваат тежината, треба дополнително да го смалат внесот на калории, си прават лоша услуга.

2. Пропорционалниот внес на хранливи материи е важен

Простото намалување на бројот на калории не е доволно. Пропорционалниот внес на хранливи материи (јаглехидрати, протеини, масти) е исто така важен. Правилно распоредените хранливи материи (што пак зависи од типот на организмот) помагаат во регулирањето на нивото на шеќер во крвта, што помага во забрзувањето на користење енергија и согорувањето на вишокот масни наслаги. Пример за добар пропорционален внес на хранливи материи во едно мени: -40 до 50% јаглехидрати; -25 до 30% протеини; и -20 до 30% здрави масти. Јаглехидратите се важни, затоа што обезбедуваат енергија, но количината која ја внесувате е клучна. Протеините се клучни за создавањето и одржувањето на мускулното ткиво, што само по себе ви помага да согорувате повеќе маснотии. И здравите масти се важни. Тие помагаат во одржување на нивото на хормоните, зголемување на силата и чувството на ситост.

3. Појадувајте

Целта на појадокот е да го прекине ноќниот пост. Клучно за добар почеток на денот е да изедете балансиран појадок од јаглехидрати, протеини и малку масти. Покрај тоа, појадокот ќе го придвижи метаболизмот за целиот ден. Тоа ви е шанса да го вратите нивото на шеќерот во крвта на нормално ниво, по ноќниот пост. Нивото на шеќерот е клучно за здраво намалување на телесната тежина.

4. Контролирајте го нивото на шеќер во крвта

Со контролата на нивото на шеќер во крвта полесно ќе ја намалите телесната тежина. Ова можете да го постигнете со распределување на храната подеднакво во текот на денот – јадете јаглехидрати, протеини и здрави масти.

Подеднакво распределување на храната подразбира интервали од 2 до 3 часа помеѓу оброците и избегнување на прејадувањето: -6.30 појадок -9.30 ужина -12.30 ручек

-15.30 ужина -18.00 вечера

-21.00 лесна ужина Доколку го адаптирате постојното мени на ова, ќе сфатите дека тоа значително ќе ви помогне во намалувањето на телесната тежина. Но, не заборавајте да го намалите бројот на калориите, од оној што вашиот организам вообичаено го троши.

  5. Пијте вода  

Доволната количина храна влија врз начинот на кој црниот дроб ги претвора масните наслаги во енергија. Тоа е една од неговите главни задачи. За жал, црниот дроб го презема вишокот материи од бубрезите, на кои им е потребна доволна количина вода за правилно функционирање. Доколку не внесувате доволно вода во организмот, црниот дроб мора да го преземе вишокот материи од бубрезите, што пак ја намалува неговата способност за трансформација на масните наслаги во енергија, со што овозможувате таложење на масните наслаги во вашиот организам. Пресметајте ја количината вода што ви е потребна: -помножете ја телесната тежина со 0,3

-добиениот резултат ќе ви каже колку децилитри вода дневно ви се потребни за нормално функционирање.

  6. Вежбајте со тегови  

За да ги задржите масните наслаги подалеку од мускулите, мора да вежбате со тегови или некој друг вид тренинг со отпор. Најефективен начин на вежбање е интензивното дигање тегови подолго од 60 минути, три пати неделно. Ова не значи дека треба да започнете да се бавите со боди-билдинг. Но, дефинитивно треба да започнете со тренинг на целото тело, 3 пати неделно, со ден пауза помеѓу, за да му овозможите на телото да се регенерира.

  7. Аеробик

Аеробик тренинзите се ефикасен начин за намалување на масните залихи. Но, немојте да мислите дека долгите аеробик тренинзи кои ве истоштуваат се решение за ослободување на целиот вишок масни наслаги. Предолгите аеробик сесии се контрапродуктивни. Тие не само што ќе ги согорат вишокот масни наслаги, туку и неопходното мускулно ткиво. Ако не можете да ја постигнете зацртаната цел со аеробик тренинзите, треба да го зголемите интензитетот, а не времето на вежбање. Треба да размислите и за вежбање во интервали. На тој начин, ќе го зголемите согорувањето калории и по вежбањето. Правилното вежбање во интервали значи – неколку минути вежби со поголем интензитет, па неколку минути вежби со помал интензитет.

8. Дисциплина

За вистински да се ослободите од вишокот масни наслаги, мора да сте подготвени да ги направите правилните нешта, кои најчесто се тешки и тоа во редовни интервали. Бидете упорни и постојани. Без ова, сите останати совети ќе бидат залудни. Она што е најдобро е што секој може да успее. Потребно е само цврста одлука и неоткажување.