Извлечете најмногу од вежбите на елиптична справа

Елиптичните справи за кардио вежби се меѓу најпопуларните во теретаните и тоа со добра причина. Не само што не ги оштетуваат зглобовите, туку се неверојатно сестрани. На нив можете да правите движења нанапред и наназад, да ги вежбате и рацете и нозете или пак да се фокусирате на јадрото, истовремено посветувајќи му внимание и на срцето. Прочитајте како да го извлечете максимумот од овие справи.

Доколку се фокусирате на кардио вежби...

Внимавајте на вртењата во минута. Добрата работа е што елиптичните справи обични ги мерат овие податоци, па така лесно ќе можете да го контролирате темпото. Идеално треба да се наоѓате во зоната помеѓу 140 и 160 вртежи во минута. Доколку вежбате интервали, најдобро е спринтовите да ви бидат со повеќе од 160 вртежи во минута.

Доколку се фокусирате на колковите...

Посветете им внимание на стапалата. Ако повеќе притискате со петите, тоа ќе предизвика поголем напор во бутовите и задникот, а ако повеќе притискате со прстите, тогаш квадрицепсите ќе бидат поактивни. Вртењето наназад е одличен начин за тонирање на бутовите и задникот. Експертите препорачуваат вртење наназад при крајот на вежбањето, кога полека забавувате и се ладите.

Доколку имате ограничено време...

Користете ги рацете и нозете подеднакво. За да извлечете максимум од кардио вежбата, погрижете се да работите со рацете исто колку со нозете. Ова не само што побргу ќе го пулсот во интензивната зона, туку ќе ви помогне и да го тонирате горниот дел од телото.

Доколку сакате да му посветите внимание на јадрото...

Вежбајте без раце. Кога ги отпуштате рачките на елиптична справа, тогаш веќе е потребен напор за одржување на рамнотежата. Внимавајте да не се занишувате странично откако ќе ги отпуштите рачките. Ставете ги рацете на колковите, за да имате подобра контрола на држењето на телото.

Доколку сакате да го тонирате задникот...

За да се фокусирате на задникот, треба да вежбате под наклон. Изведувајте интервали од 2 до 3 минути во кои ќе го зголемите аголот, а потоа неколку минути во кои ќе го намалите.

Немате елиптична справа? Набавете ја својата веднаш!