Храна што може да ви попречи во вежбањето

Дали сте знаеле дека одредени видови храна имаат потенцијал да ви го саботираат вежбањето? Иако сите прехранбени производи споменати подолу се одличен додаток на здравата исхрана, исто така треба да се избегнуваат барем два часа пред тренинг, за да можете да постигнете максимални резултати.

1. Семе од лен

Иако семето од лен е одлично за телото (и намалување на телесната тежина), тоа е полно со растителни влакна, може да го отежни вежбањето преку предизвикување на подување на стомакот. Дефинитивно треба да го ограничите внесот на растителни влакна, два часа пред вежбањето. Покрај ова семе, држете се на страна и од интегралните лебови и мешавина од протеини и јаглехидрати.

2. Тврдо варени јајца

Тврдо варените јајца се одличен извор на протеини, но не обезбедуваат доволно јаглехидрати за енергија. Дополнително, протеините од овој извор остануваат во желудникот подолго и потребно е време за да се сварат, што може да ви предивзика мачнина при вежбањето.

3. Авокадо

Избегнувајте храна богата со масти (дури и ако тоа е добриот вид монозаситени масти) непосредно пред вежбање. Иако мастите се важни и треба да се внесуваат во други интервали од денот, обидете се да го ограничите внесот два часа пред тренинг.

Оваа храна може да биде икслучително тешка за варење и да остане во желудникот долго време. Кога желудникот вари потешка храна, потребно му е повеќе крв, што може да создаде недостиг во мускулите и да предизвика грчеви.

4. Протеински пијалаци

Ова се омилените пијалаци на бодибилдерите, па според тоа, мора да се добри за вежбање, нели? Не баш. Не сите, но најголемиот дел од протеинските пијалаци содржат многу процесирани состојки, многу шеќер (или засладувачи) и млечни производи, кои можат да создадат подување, гасови и замор.

5. Овошен сок

Пиењето една чаша сок од портокал се чини како добра идеја пред утринската сесија, но на половина од тренингот ќе се запрашате дали навистина било така. Зошто? Подобро е да изедете портокал, наместо да пиете сок.

Сокот (дури и ако свежо исцеден и 100 процентен) содржи многу шеќер, а многу малку или воопшто растителни влакна. Ќе ви обезбеди одредена количина витамини, но веднаш ќе ви помине низ системот, што подоцна ќе доведе до пад на шеќерот во крвта и замор.